va.

to grant favours, to endue or adorn with favours;
to congratulate, to felicitate, to wish joy, to pay compliments.

ն.

ՇՆՈՐՀԱՒՈՐԵԼ. Որպէս Շնորհել. շնորհ ինչ առնել. եւ Շնորհօք զարդարել.

Պատուի ի կայսերէ՝ շնորհաւորեալ նմա զանուն պատրիարգութեանն. (Վրդն. պտմ.։)

Խոստովանի շնորհաւորեալ (այսինքն շնորհեալ գոլ) իմաստագունիւ բանիւ զհաւաքումն յերբեմն ժամանակի ի սա. (Պիտ.։)

Ունայնացաւ մարդանալով, որ ի լրութենէ իւրմէ զամենեսին զմեզ շնորհաւորեաց. (Սարկ. հանգ.։)

ՇՆՈՐՀԱՒՈՐԵԼ. որպէս Շնորհաւո՛ր եւ բարենշան լիցի ասել.

Երբ գայր տարին եւ ի կատար ելանէր, ընծայք տային նաեւ սիրելեաց եւ ազգականաց, շնորհաւորելով զառաջիկայն, եւ զանցելոյն գոհանային. (Վանակ. տարեմտ.։)

ՇՆՈՐՀԱՒՈՐԻԼ. Աւետիս իմն ընդունել.

Զգօն (սիմէոն ծերունին) շնորհաւորի. անճառս շնորհի մնայ. (Տաղ.։)

Կամ Պայծառանալ եւ արտափայլել շնորհօք.

Զաճիլն ըստ մարմնոյ, զշնորհաւորիլն, զիաստնանալն. (Սարկ. հանգ.։)

ՇՆՈՐՀԱՒՈՐԵԱԼ. Շնորհազարդեալ. շնորհալից. շնորհաւոր. եւ Աստուածահաճոյ.

Ենօք՝ շնորհաւորեալ։ Զօրութեամբ մարմնոյն շնորհաւորեալ (սամփսոն). (Փիլ. իմաստն. եւ Փիլ. սամփս.։)

Ուրա՛խ լեր մարիամ սրբաբանեալ, կո՛յս շնորհաւորեալ. (Ճ. ՟Գ.։)

Տէր Ներսէս Շնորհաւորեալն վարդապետութեամբ՝ եղբայր տեառն Գրիգորի. (Ոսկիփոր.) այն է շնորհալին Ներսէս կլայեցի։