s.

temple, fane, church;
palace, court, hotel;
banqueting-hall;
banquet, feast;
— խորհրդոյ, council-hall, House of Parliament.

s.

ναός, νεώς, νηός, ἰερόν templum, sacrarium. վր. տաձարի . պ. տայիր, տէյր. (ի տավէր, աստուած եւ դիք) որպէս Տուն եւ բնակարան աստուծոյ՝ շինեալն նախ ի սողոմոնէ, եւ ապա ի զօրաբաբելէ, եւ կանխագոյն տեղի խորանին կանգնելոյ ի դաւթէ. եւ յետ քրիստոսի՝ ամենայն եկեղեցի, կամ մատուռն. ժամ. քիլիսէ. եբր. հէյքէլ, տէպիր.

Երկիրպագից ի տաճար սուրբ քո։ Ի տաճարէ սրբոյ իւրմէ։ Տաճար տեառն։ Տաճարն ներքին։ Փախստեայ անկանել ի տաճար անդր յերուսաղէմ.եւ այլն։

Փոխանակ միոյ հրէական տաճարին՝ հազարք եւ բիւրք շինեցան եկեղեցիք ընդ ամենայն աշխարհ. (Գէ. ես.։)

Կամ նմանութեամբ.

Վասն տաճարի մարմնոյ իւրոյ։ Տաճար էք հոգւոյն սրբոյ.եւ այլն։

Ինքն է՝ որ յարուցանէ զիւրն տաճար որպէս զաստուած. (Աթ. ՟Ա։)

Տաճար եւ աթոռ աստուծոյ բանին։ Տաճար լուսոյ անստուերին, եւ առագաստ անճառ բանին։ Մարմնարան եւ տաճար հօր իսկակցին. (Շար.։ Նար. կուս.։)

Տաճար են սուրբ հոգւոյն կենդանի ոսկերք սոցա. (Շար.։)

Թէ ոք է տաճար հոգւոյն, նա է տաճար հօր եւ որդւոյ. քանզի ուր հոգին աստուծոյ բնակէ, անդ աստուած բնակէ. (Աթ. ՟Ա։)

ՏԱՃԱՐ. որպէս Մեհեան կռոց. delubrum, fanum.

Տարան ի տաճար դից։ Եմուտ ի տաճար կռոց. (ՃՃ.։ Հ։ Վրք. հց. ստէպ։)

Որ եւ զտաճարն լուցեալ զկռոցն. (Շար.։)

ՏԱՃԱՐ. οἱκίος aedes, domus. որպէս Ապարանք. պալատն. տուն դիւցազնական. սենեակ արքունի.

Տարցին ի տաճար թագաւորի։ Ի վերայ տաճարի թագաւորութեան իւրոյ ճեմէր ի բաբելոն։ Կործանեաց զպարիսպս աշտարակեայս տաճարաց նորա։ Ի տաճարաց փղոսկրէից.եւ այլն։

Շինօղքդ ո՛չ ի քաղաքաց քաղաքս առնեն, եւ ո՛չ ի տաճարաց տաճարս. (Եզնիկ.։)

ՏԱՃԱՐ. συμπόσιον, -σία, κλησίς convivium, compotatio. որպէս Սեղան. խրախունք. կոչունք. գիներբուք. կամ Սեղանատուն. տեղի բազմականի.

Եմուտ տիկինն ի տաճարն խրախութեան։ Մտին ի վերայ շմաւոնի, եւ սպանին անդէն ի տաճարի անդ։ Հրաման տայր մեծի տաճարին կոչնականս նուիրել յամենայն մեծամեծաց։ Սպաս առնել տաճարին բարձիցն պատրաստութեան. (եւ այլն։ (Աստի առեալ է Տաճարապետն. զոր տեսցես։))

Հանապազորդ առատացուցանէր զռոճիկս տաճարին, եւ յերկարէր զնուագս ուրախութեան. (Եղիշ. ՟Գ։)

Կամ ո՞ւր սեղանն ամենալի, ո՞ւր են ազատքն իլ տաճարի. (Շ. եդես.։)

ՏԱՃԱՐ. որպէս Վանք. հիւրանոց.

Շինեաց ի քաղաքին տաճարս հիւանդանոցս. շինեաց եւ այլ տաճարս, եւ զծերս եւ զխեղս անդ հանգուցանէին. շինեաց եւ այլ տաճարս, եւ զամենայն կին ծննդական եւ աղքատ անդ հանգուցանէին. (ՃՃ.։)

ՏԱՐՃԱՐ ԽՈՐՀՐԴՈՑ. որպէս յն. Խորհրդարան. βουλευτήριον consilii locus, curia. (՟Ա. Մակ. ՟Ը. 19։ ՟Ժ՟Բ. 3։)

Warning, for now, these are the entries' title sharing the same character string regardless of its position, not the entries sharing the same root.

Mots dérivés

Խոտաճարակ, աց

Տաճարախիտ

Տաճարական

Տաճարակապուտ

Տաճարակից

Տաճարակողոպուտ

Տաճարայարդար, աց

Տաճարանամ, ացայ

Տաճարապետ, աց

Տաճարացուցանեմ, ուցի

Voir tout