maître de tout, chef suprême.
ԱՄԷՆԻՇԽԱՆ որ եւ ԱՄԵՆԻՇԽԱՆ. πάνταρχος, παντάρχης. omnibus imperans, omnium dominus Տէր եւ իշխան բոլորից Աստուած. եւ մարդ կարգեալ յԱստուծոյ իշխան ի վերայ բազմաց. ամենապետ.
Ամէնիշխան թագաւոր երկնի. (Նար. գանձ հոգ.։)
Ամէնիշխանին Աստուծոյ ծանօթս առնելով. (Կորիւն.։)
Ընդէ՞ր զամէնիշխանս մուրացիկ արարեր, ընդէ՞ր զթագաւորս՝ աշխարհի ծառայ կացուցեր. (Ոսկ. ծն.։)
Որ իշխէ բաւէ առնել զամենայն զոր կամի. ամենազօր.
Եթէ մխիթարես, ամէնիշխան ես։ Յամէնիշխան հրամանաց։ Ձեռն ամէնիշխան։ Յամէնիշխան շրթանց կամ բերանոյ. (Նար.։)
Ամէնիշխան զօրութեամբն զսա կեցոյց. (Լմբ. սղ.։)
Ասաց ըստ ամենիշխան Աստուածութեանն. (Սեբեր. ՟Թ։)