ԵՐԿԻՐ ՊԱԳԱՆԵՄ, ԵՐԿԻՐՊԱԳԱՆԵՄ. προσκυνέω adoro որ եւ ՊԱԳԱՆԵԼ ԵՐԿԻՐ. եւ բարդութեամբ ԵՐԿՐՊԱԳԵԼ. Համբուրել զերկիր, ծունր կրկնել, խոնարհիլ ցգետին կամ միջով չափ. որ տիրապէս աստուծոյ ընծայի, եւ սովորութեամբ՝ նաեւ պատուաւոր մարդկան. երկրպագութիւն ընել.
Երկիր եպագ աստուծոյ։ Երկիր պագի տեառն։ Երկիր եպագ ի վերայ երկրի, կամ ի վերայ երեսաց երկրի։ Երկիր եպագ ժողովրդեան երկրին։ Երկիր պագցեն քեզ որդիք հօր քոյ.եւ այլն։
Նաբուքոդոնոսոր անկաւ ի վերայ երեսաց իւրոց, եւ երկիր եպագ դանիէլի. (Դան. ՟Բ. 46։)
Մի՛ պագանիցէք երկիր աստուածոց օտարաց. (Ել. ՟Լ՟Դ. 14։)
Եւ պագին անդ երկիր տեառն. (՟Ա. Թագ. ՟Ա. 28։)
Պատկերիդ ոսկւոյ՝ զոր կանգնեցեր, երկիր ո՛չ պագանեմք. (Դան. ՟Գ. 4։)
Երկիր եւս պագանէին նոցա իշխանք թագաւորին. (Ոսկ. ես.։)
Կա՛մ պա՛գ երկիր այսմ՝ զոր քարոզեցին մարգարէքն քո, կամ պա՛գ երկիր այնմիկ՝ զոր ձուլեցին հարքն քո. (Եփր. համաբ.։)