ԱՊԱՂԱՍ կամ ԱՊՂԱՍ Հին ձառ ռամկական, (իբր Անաղուհաց, անաղցք. եւ կամ որպէս փափուկ, փափուկս) այսինքն Օր փափուկ, կամ թեթեւ՝ լուծանելի իւիք փափկութեամբ կերակրոց յաւուրս աղուհացից՝ ըստ մտի թուլամորթաց ոմանց.
Են ոմանք՝ որ զպահս քառասնորդաց ապաղաս (կամ ապղաս) ասեն. զկէս ինչ ի շաբաթուցն (կամ զկէս շաբաթուն) կարեւոր ասեն, եւ պնդին եւ ճգնին սրբութեամբ, եւ զայլսն ապաղաս (կամ ապղաս) անուանեն, եւ թուլացուցանեն զպնդութիւն պահոցն։ Եթէ որկորստութեամբ լուծանել կամիցիս, ոչ եթէ զթեթեւ ապաղաս լուծեր, այլ՝ պահս կարեւորս։ Ապաղաս (կամ ապղաս) ի ծուլից եւ յանկատարից անուանի, եւ ոչ ի պարկեշտից եւ ի պահողաց. (Մանդ. ՟Գ։ Եփր. պհ.։)